10 снежня адбылося адкрыццё фотавыставы "Пушкінскія музеі Расіі і замежжа”, прадстаўленай Дзяржаўным мемарыяльным гісторыка-літаратурным і прыродна-ландшафтным музеем-запаведнікама А.С. Пушкіна. Выстава была створана ў рамках святкавання 210-годдзя з дня нараджэння А.С. Пушкіна па ініцыятыве Таварыства пушкінскіх музеяў Расіі, Украіны і Літвы. Прэзентацыя ў Мінску – гэта чарговы сумесны праект музея-запаведніка А.С.Пушкіна "Міхайлаўскае” і Дзяржаўнага музея гісторыі беларускай літаратуры.

У адкрыцці фотавыставы прынялі ўдзел галоўны спецыяліст кіраўніцтва ўстаноў культуры і народнай творчасці Д.Г. Шляхцін, саветнік амбасады Расійскай Федэрацыі ў Рэспубліцы Беларусь С.В. Бярозны, начальнік аддзела арганізацыі навуковай і экспазіцыйнай работы Дзяржаўнага мемарыяльнага гісторыка-літаратурнага і прыродна-ландшафтнага музея-запаведніка А.С.Пушкіна "Міхайлаўскае” І.Ю. Парчэўская, літаратуразнавец і перакладчык М.П. Кенька, старшыня Міжнароднага грамадскага аб’яднання "Русь единая” М.І. Ткачоў.

Прагучалі творы А.С. Пушкіна на рускай і беларускай мовах у выкананні артыста і рэжысёра беларускага радыё А.А. Вінярскага і рамансы на словы знакамітага рускага паэта ў выкананні ансамбля "Русского романса” пад кіраўніцтвам М.І. Ткачова (канцэртмайстар – Н.А. Чыжова).