Дзяржаўны музей гісторыі беларускай літаратуры

Новы адрас сайта

Музей — Tue, 10 Jan 2012 13:22:41 GMT

Паважаныя наведвальнікі!

Наш сайт пераехаў на новы адрас: www.bellitmuseum.by

Паміж двума партрэтамі

Музей — Fri, 16 Dec 2011 13:24:19 GMT

22 снежня а 18-й гадзіне Дзяржаўны музей гісторыі беларускай літаратуры запрашае на сцэнічную пастаноўку "Паміж двума партрэтамі (досвед рэканструкцыі духоўнай спадчыны М.Гогаля і С.Ясеніна метадам тэатральнай інтэрпрэтацыі)". Выканаўцы – Алег Вінярскі і Яўгенія Каральчук, пастаноўка – Аляксандра Калюнова.

Кошт білетаў – 10 тысяч рублёў (колькасць абмежаваная).$CUT$

На прыкладзе двух пісьменніцкіх лёсаў і дзвюх літаратурных эпох (залатое і срэбнае стагоддзе) усталёўваецца міжасобасны дыялог М.Гогаля і С.Ясеніна па-за часам і прасторай, які паказвае іх глыбіннае ўнутранае сваяцтва, дагэтуль амаль не выяўленае. Аўтары жадалі б нагадаць, што жыццё і творчасць гэтых двух геніяў – непарыўныя, а іх духоўныя шляхі – адзінасутнасныя і, яны абодва захавалі непахісную адданасць Святасці Слова, калі прайшлі ўсе свае жыццёвыя выпрабаванні. Дакументальна-мастацкая аснова пастаноўкі, якая ўключае ў сябе герояў твораў, перапіску, успаміны сучаснікаў, дапамагае глыбей зразумець пошукі паэтаў-празорцаў і даказвае сутнасць слоў А.Пушкіна, якія тычацца "перагуканняў" паміж стагоддзямі: "...ёсць дзіўныя збліжэнні".

Беларуска-нямецкія каляды (фота)

Музей — Fri, 16 Dec 2011 08:52:55 GMT

$CUT$

Дырэктар музея Лідзія Макарэвіч, амбасадар Германіі д-р Крыстаф Вайль, дырэктар Інстытута нямецкіх даследаванняў Уладзімір Ціханаў

Беларуска-нямецкія каляды

Музей — Fri, 09 Dec 2011 12:19:09 GMT

15 снежня а 18-й гадзіне запрашаем Вас прыняць удзел у свяце "Беларуска-нямецкія каляды", якое традыцыйна ладзяць Дзяржаўны музей гісторыі беларускай літаратуры, Інстытут нямецкіх даследванняў і Беларускі дзяржаўны ўніверсітэт культуры і мастацтваў.

Для ўдзелу ў мерапрыемстве неабходна зарэгістравацца, адаслаўшы да 13 снежня на адрас ifd@bsu.by Ваш фотаздымак на тэму "Каляды – гэта...". Лепшыя работы будуць адзначаны прызамі.$CUT$

У праграме свята: прадстаўленне беларускага стылізаванага каляднага абраду, прагляд нямецкага перадкаляднага фільма, а таксама калядная віктарына, гаданні, гульні, частаванне, новыя знаёмствы...

Прэзентацыя кнігі выбраных твораў Вінцука Адважнага

Музей — Fri, 09 Dec 2011 10:19:33 GMT

Літаратуразнаўца Ірына Багдановіч

7 снежня ў Дзяржаўным музеі гісторыі беларускай літаратуры адбылася прэзентацыя кнігі выбраных твораў Вінцука Адважнага з серыі "Беларускі кнігазбор".

У мерапрыемстве прынялі ўдзел укладальнік кнігі Ірына Багдановіч, літаратуразнаўцы Адам Мальдзіс, Кастусь Цвірка, гісторык Наталля Гардзіенка, паэт Міхась Скобла, акцёр Алег Вінярскі, а таксама літаратурны студэнцкі гурток "Альтанка" і ансамбль Архікафедральнага хору.

З вамі вярнуўся дахаты я...

Музей — Fri, 02 Dec 2011 13:38:12 GMT

Дырэктар Беларускага дзяржаўнага архіва-музея літаратуры і мастацтва Ганна Запартыка

1 снежня адбылося адкрыццё выставы "З вамі вярнуўся дахаты я...", прысвечанай 120-годдзю з дня нараджэння Максіма Багдановіча.

Выстава створана Дзяржаўным музеям гісторыі беларускай літаратуры сумесна з Беларускім дзяржаўным архівам-музеям літаратуры і мастацтва. На ёй прадстаўлены хатнія рэчы сям’і Багдановічаў з БДАМЛіМ, якія экспануюцца ўпершыню, а таксама партрэты М.Багдановіча, прыжыццёвае выданне паэтычнага зборніка "Вянок" і выданні твораў паэта розных гадоў з фондаў музея.$CUT$

У мерапрыемстве прынялі ўдзел дырэктар Беларускага дзяржаўнага архіва-музея літаратуры і мастацтва Ганна Запартыка, паэт Сяргей Панізнік, мастак Сяргей Давідовіч, літаратуразнаўца Ірына Багдановіч. Песні на словы Максіма Багдановіча прагучалі ў выкананні барда Аляксея Галіча і спявачкі Наталлі Клімковіч.

Літаратуразнаўца Ірына Багдановіч.

Паэт Сяргей Панізнік.

Анонс мерапрыемстваў

Музей — Wed, 23 Nov 2011 11:48:24 GMT

1 снежня – адкрыццё выставы, прысвечанай 120-годдзю з дня нараджэння Максіма Багдановіча (сумесна з Беларускім дзяржаўным архівам-музеям літаратуры і мастацтва).

7 снежня – прэзентацыя кнігі выбраных твораў Вінцука Адважнага ("Беларускі кнігазбор").$CUT$

10 снежня – "Зялёны баль" (сумесна з гуртом старажытнага танца "Залаты двор").

15 снежня – Нямецка-беларускія каляды (сумесна з Цэнтрам нямецкіх даследаванняў).

Планета творцаў і іх герояў

Музей — Mon, 10 Oct 2011 16:38:22 GMT

5 кастрычніка адбылося ўрачыстае адкрыццё літаратурна-мастацкай выставы "Планета творцаў і іх герояў" і прэзентацыя альбома вядомага фотамайстра Уладзіміра Крука "На фотахвалях памяці", прысвечанага дзеячам беларускай культуры.$CUT$

Да ўвагі наведвальнікаў выставы прадстаўлены матэрыялы з фондаў Дзяржаўнага музея гісторыі беларускай літаратуры і Нацыянальнага мастацкага музея Рэспублікі Беларусь, якія раскрываюць творчасць выдатных дзеячоў мастацтва і літаратуры Беларусі.

Выстава дае цудоўную магчымасць не толькі пазнаёміцца са скарбамі нацыянальнага прыгожага пісьменства, але і ўбачыць фантазійнае ўвасабленне герояў твораў айчыннай літаратуры і саміх творцаў слова ў выкананні славутых суайчыннікаў-майстроў алоўка і пэндзля. Сярод іх шэдэўры жывапісу, графікі і скульптуры ў выкананні знакамітых мастакоў і скульптараў, такіх як П.Сергіевіч, І.Ахрэмчык, З.Паўлоўскі, М.Будавей, А.Кашкурэвіч, А.Дзямарын, У.Савіч, С.Вакар, А.Чыгрын і інш.

Паэт Анатоль Вярцінскі

Алена Атраховіч, унучка Кандрата Крапівы

Тэатральныя лялькі – госці музея

Музей — Wed, 21 Sep 2011 12:29:27 GMT

20 верасня ў Дзяржаўным музеі гісторыі беларускай літаратуры адкрылася выстава "Тэатральныя лялькі – госці музея" сумесна з Беларускім дзяржаўным тэатрам лялек.

У адкрыцці прынялі ўдзел прадстаўнікі творчага калектыву тэатра – галоўны рэжысёр Аляксей Ляляўскі, галоўны мастак Валерый Рачкоўскі, акцёры Іна Ганчар і Валерый Зяленскі. Прысутныя мелі магчымасць даведацца пра таямніцы "творчай кухні" тэатра лялек і паглядзець урывак са спектакля "Марынка-крапіўніца" паводле народнай казкі ў апрацоўцы Артура Вольскага. Аздобілі мерапрыемства выхаванцы Цэнтра пазашкольнай працы студыі "Ветразь" Кастрычніцкага раёна г. Мінска.$CUT$

На выставе прадстаўлены тэатральныя лялькі са спектакляў, якія ў розныя гады ішлі на сцэне тэатра, а таксама аўтарскія работы мастака Генадзя Чыстага, кнігі народных і аўтарскіх казак вядомых беларускіх пісьменнікаў, літаратурныя пераклады казак з іншых моў свету.

Галоўны рэжысёр Беларускага дзяржаўнага тэатра лялек Аляксей Ляляўскі

Сямейнае падарожжа “МУЗЕЙНЫЯ ХОВАНКІ”

Музей — Wed, 31 Aug 2011 08:27:35 GMT

Дарагі сябра!

Ці любіш ты падарожнічаць? Мы ўпэўненыя, што так. А таму менавіта для цябе, для тваіх родных і сяброў пяць літаратурных музеяў г. Мінска (Дзяржаўны музей гісторыі беларускай літаратуры , Дзяржаўны літаратурны музей Янкі Купалы, Дзяржаўны літаратурна-мемарыяльны музей Якуба Коласа , Літаратурны музей Максіма Багдановіча, Літаратурны музей Петруся Броўкі) падрыхтавалі займальнае сямейнае падарожжа пад назвай "Музейныя хованкі”. Новыя яркія ўражанні, неверагодныя адкрыцці і нечаканыя сюрпрызы чакаюць цябе кожную суботу з 17 верасня па 19 лістапада 2011 года.$CUT$

Ты навучышся бачыць незвычайнае, здавалася б, у зусім звычайных і такіх знаёмых табе рэчах, упэўнішся, што музеі, быццам скрыні з сакрэтам, захоўваюць свае таямніцы, якія раскрываюцца толькі самым дапытлівым хлопчыкам і дзяўчынкам.

Пагадзіся, што аднаму табе будзе дастаткова сумна падарожнічаць, таму мы не толькі прапануем, а нават настойліва просім цябе выбірацца ў музейную вандроўку разам з сям’ёю. Павер, што прысутнасць мамы і таты, браціка ці сястрычкі зробіць тваё падарожжа яшчэ больш цікавым і вясёлым.

Як вядома, любая вандроўка – гэта справа сур’ёзная, а таму, перш чым выпраўляцца ў дарогу, трэба вызначыцца з самымі неабходнымі рэчамі, якія павінны быць у тваім падарожным чамадане.

Па-першае, Білет музейнага падарожніка.
Цяжка ўявіць сабе падарожжа без білета. Білет музейнага падарожніка неабходна набываць у музеях-удзельніках. Разам з білетам ты атрымаеш Карту, Пуцяводнік і Пашпарт, якія ты і пасля падарожжа можаш пакінуць сабе на добрую згадку.

Па-другое, Карта музейнага падарожніка.
Калі ты не ведаеш маршрута, надзвычай цяжка падарожнічаць. Таму спецыяльна для цябе мы стварылі чароўную Карту, якую ты атрымаеш у першым музеі, які вырашыш наведаць. Менавіта Карта дапаможа табе лёгка зарыентавацца ў свеце літаратурных музеяў, бо будзе ўтрымліваць усю неабходную інфармацыю аб музеях-удзельніках падарожжа. Пачаць сваю вандроўку ты можаш з любога музея і затым пры дапамозе Карты прадумаць і пракласці свой асабісты маршрут, бо наведваць музеі можна ў любым парадку.

Па-трэцяе, Пуцяводнік.
Кожны з літаратурных музеяў нашай сталіцы – як асобная маленькая краіна, якая мае сваю гісторыю, свае легенды і загадкі, даведацца пра якія можна з адмысловых пуцяводнікаў. У нашых музеях-краінах цябе чакае незвычайны Пуцяводнік: ён будзе напоўнены хітрымі і цікавымі заданнямі, забаўнымі малюнкамі і займальнымі гісторыямі. Пуцяводнік правядзе цябе па музейнай экспазіцыі, з ім ты навучышся самастойна, без дапамогі экскурсавода, заўважаць цікавыя дэталі і шукаць адказы на пытанні.

Па-чацвёртае, Пашпарт музейнага падарожніка.
Якое ж падарожжа можа быць без дакументаў? У першым музеі на сваім шляху ты атрымаеш Пашпарт музейнага падарожніка, у які пасля выканання ўсіх заданняў з пуцяводніка побач з назваю музея будзе ставіцца штамп. Чым больш музеяў ты пройдзеш, тым больш штампаў з’явіцца ў тваім дакуменце. Не забывай Пашпарт музейнага падарожніка дома і заўсёды бяры яго з сабою ў вандроўку па музеях! Калі ты раптам згубіў Пашпарт музейнага падарожніка, то ў любым музеі-ўдзельніку ты можаш атрымаць дублікат, але штампы музеяў, якія ты ўжо прайшоў, не аднаўляюцца (звярні ўвагу – ва ўсіх музеях штампы розныя!)

У падарожжы па музеях Мінска цябе будзе суправаджаць сапраўдны сябар – крылаты канёк Пегасік, які прыляцеў са Старажытнай Грэцыі спецыяльна табе на дапамогу. Легенда гаворыць, што некалі Пегас адным ударам свайго капыта стварыў крынічку і кожны, хто піў ваду з гэтай крынічкі, станавіўся неверагодна таленавітым паэтам. Наш Пегасік правядзе цябе па літаратурных музеях сталіцы, дапаможа разабрацца з заданямі ў Пуцяводніку, паведаміць цікавыя факты з гісторыі музеяў.

У кожным з музеяў пасля выканання заданняў ты будзеш атрымліваць невялічкі падарунак. А калі здолееш прайсці ўвесь маршрут, наведаць усе пяць літаратурных музеяў Мінска і выканаць ўсе заданні, то ў апошнім, пятым, музеі табе ўручаць Дыплом Нястомнага Падарожніка. Па заканчэнні праекта сярод нястомных падарожнікаў будзе разыграны галоўны прыз. Які? Няхай гэта пакуль застанецца сакрэтам. Для таго, каб узнагарода знайшла цябе, неабходна пасля завяршэння падарожжа ў апошнім музеі ў cпецыяльнай Кнізе Нястомных Падарожнікаў пакінуць свае кантактныя дадзеныя: імя, прозвішча, адрас і тэлефон.

У добры шлях, дружа!