У Літаратурным музеі К. Чорнага 18 сакавіка для малодшых школьнікаў праводзіцца акцыя "Вуліца, аўтамабіль, пешаход”.

            У праграме:

1. Пастаноўка "Знай правила движенья, как таблицу умноженья”, у выкананні ўдзельнікаў тэатра фланелеграфіі "Скарбонка прыгажосці”, што працуе пры музеі.

2. Тэматычная гульня, загадкі, конкурсы, віктарына.

3. Сустрэча з работнікамі ДАІ. Дзеці змогуць надзець міліцэйскую фуражку, жылет, патрымаць жэзл, паглядзець як вызначаюць хуткасць машын і г. д.

Да 110-годдзя з дня нараджэння К.Чорнага

 

У гэтым годзе спаўняецца 110 гадоў з дня нараджэння класіка беларускай літаратуры, празаіка, публіцыста, драматурга Кузьмы Чорнага.

У рамках праекта "Чалавек нараджаецца, каб жыць…”  запланаваны наступныя мерапрыемствы:

вечар памяці ў Дзяржаўным музеі гісторыі беларускай літаратуры (5 мая). Плануецца прадставіць сямейны архіў пісьменніка перыяду Вялікай Айчыннай вайны. У праграме вечара прэзентацыя голасу пісьменніка, сустрэча з навукоўцамі, даследчыкамі творчасці К.Чорнага і яго роднымі;

на радзіме пісьменніка ў Літаратурным музеі К.Чорнага плануецца правядзенне літаратурнага свята (19 чэрвеня) і арганізацыя фотапленэру (другая палова мая) па мясцінах, звязаных з жыццём і творчасцю К.Чорнага. Па выніках фотапленэру плануюцца выставы ў Мінску, Капылі і Нясвіжы. Школьнікі г.Капыля ўдзельнічаюць у конкурсе дзіцячай творчасці (красавік-май), прысвечанаму юбілею пісьменніка.

 

 

Да 170-годдзя з дня нараджэння Ф.Багушэвіча

 

У філіяле "Музей-усадьба Ф.Багушэвіча "Кушляны” запланаваны наступныя мерапрыемствы:

міжнародны фотапленэр "Па мясцінах Ф.Багушэвіча”;

арганізацыя творчага конкурсу "Наша мова для нас святая”;

свята паэзіі ў Кушлянах.

____________________________________________________

    Музей-сядзіба Францішка Багушэвіча "Кушляны”

    Літаратурны музей Кузьмы Чорнага 

    Музей-сядзіба Міцкевічаў "Завоссе”

    Літаратурны музей Максіма Гарэцкага