ВЫСТАВЫ
Дзяржаўны музей гісторыі беларускай літаратуры - гэта музей з пастаянна новымі экспазіцыямі і выставамі, якія змяняючы адна другую, раскрываюць тую ці іншую старонку шматвяковай гісторыі беларускай літаратуры. Зараз у музеі працуюць выставы:
"Васіль Быкаў. Шлях, вызначаны лёсам...”: жывапіс, графіка, рукапісы пісьменніка, рэдкія фотаздымкі, лісты сяброў і родных, аўтарскія малюнкі.
"Свет шчодры. Свет мяне паўторыць…”: юбілейная выстава, прысвечаная 80-годдзю з дня нараджэння У. Караткевіча, на якой прадстаўлены матэрыялы, звязаныя з асобай знакамітага пісьменніка – фотаздымкі, рукапісы твораў, лісты аўтара, кнігі, рэчы, якія належылі майстру слова, а таксама ўнікальныя калекцыя марскіх ракавін і чарцей, сабраных У. Караткевічам.
"Спадарожнікі дзяцінства”: гісторыя дзіцячых перыядычных выданняў на Беларусі ў ХХ ст.
"Сэрца майстра ўсім адкрыта...": выстава прымеркавана да 100-годдзя з дня нараджэння паэта, перакладчыка, крытыка Аляксея Зарыцкага (1911-1987).
ПЕРАСОЎНЫЯ ВЫСТАВЫ
"Больш за ўсё я бацькоўскаму краю адданы!" (Вінцэнт Дунін-Марцінкевіч)
У ілюстраваным выглядзе дэманструюцца першыя выданні пісьменніка ("Сялянка", "Гапон"), перавыданні пачатку ХХ ст., адзіны захаваны партрэт В.Дуніна-Марцінкевіча, першыя раздзелы забароненага перакладу на беларускую мову паэмы "Пан Тадэвуш" А.Міцкевіча і іншыя матэрыялы з фондаў музея і архіваў беларускіх пісьменнікаў.
"Быў. Ёсць. Буду." (Уладзімір Караткевіч)
На планшэтнай выставе прадстаўлены фотаздымкі У. Караткевіча з 1931 г. (з роднымі, сябрамі, вядомымі пісьменнікамі), рукапісы асобных вершаў і старонак з рамана "Каласы пад сярпом тваім", фрагменты з аўтабіяграфіі "Дарога, якую прайшоў", публіцыстычныя творы і іншыя матэрыялы з фондаў музея.
"Шляхамі Францішка Багушэвіча"
У капійных матэрыялах дэмантструюцца дакументы Ф. Багушэвіча (атэстат, матрыкула і інш.), першыя выданні яго зборнікаў ("Дудка беларуская", "Смык беларускі", "Тралялёначка"), газеты "Край", "Мужыцкая праўда", сямейныя фотаздымкі ХІХ ст., малюнкі сына Тамаша, мастака Я.Драздовіча, іншыя матэрыялы музеяў і архіваў Беларусі.
ЛЕКЦЫІ ПА ГІСТОРЫІ БЕЛАРУСКАЙ ЛІТАРАТУРЫ
СТАРАЖЫТНАЯ ЛІТАРАТУРА:
"Беларуская міфалогія" (з электроннай прэзентацыяй)
"Старонкі літаратуры Сярэднявечча" (з выкарыстаннем ілюстрацыйнага матэрыялу)
"Літаратура эпохі Адраджэння на Беларусі" (з электроннай прэзентацыяй)
"Гуманізм і патрыятычны пафас паэмы Міколы Гусоўскага "Песня пра зубра" (з выкарыстаннем ілюстрацыйнага матэрыялу)
"Біблія Францыска Скарыны і яе вытокі" (з выкарыстаннем ілюстрацыйнага матэрыялу)
НОВАЯ БЕЛАРУСКАЯ ЛІТАРАТУРА (ХІХ ст.):
"Сцежкамі вялікага паэта (Творчасць Адама Міцкевіча ў кантэксце гісторыі беларускай літаратуры)" (з электроннай прэзентацыяй)
"Францішак Багушэвіч – пачынальнік беларускага нацыянальнага адраджэння" (з электроннай прэзентацыяй)
"Вінцэнт Дунін-Марцінкевіч. Літаратурная і тэатральная дзейнасць" (з дэманстрацыяй стужкі на DVD)
СУЧАСНАЯ БЕЛАРУСКАЯ ЛІТАРАТУРА (ХХ ст.):
"Покліч (літаратурны працэс на Беларусі ў 20-30-я гады ХХ ст.)" (з электроннай прэзентацыяй)
"Васіль Быкаў. Жыццё і творчасць" (з дэманстрацыяй стужкі на DVD, паказам арыгінальных фотаздымкаў, рукапісаў, дакументаў)
"Кандрат Крапіва. Пра сябе і свой час" (з выкарыстаннем арыгінальных фотаздымкаў, прыжыццёвых выданняў рукапісаў)
"Трывожнае шчасце пісьменніка (І.П. Шамякін)" (з электроннай прэзентацыяй)
"Уладзімір Караткевіч. Быў. Ёсць. Буду." (з электроннай прэзентацыяй)
КУЛЬТУРНА-АДУКАЦЫЙНАЯ ДЗЕЙНАСЦЬ
"ЛЯ ВЫТОКАЎ ФАЛЬКЛОРНА-ЭТНАГРАФІЧНАЙ СПАДЧЫНЫ БЕЛАРУСАЎ" (цыкл музейна-педагагічных заняткаў для пачатковай школы):
"Як хлеб да нас на стол прыйшоў": занятак праходзіць у форме казкі-гульні. Дзеці маюць магчымасць убачыць этнаграфічныя матэрыялы, пазнаёміцца з земляробчымі прыладамі (каса, серп, цэп і інш.) і працэсам вырабу хлеба. Хлопчыкі паспрабуюць сябе ў ролі "касцоў”, а дзяўчынкі на некаторы час стануць "жнеямі”.
"Беларуская цацка": занятак знаёміць з беларускай традыцыйнай цацкай, з музычнымі інструментамі, якімі таксама гуляліся дзеці. Далучае да вусна-паэтычнай творчасці народа.
"Ехала Каляда ў вазочку": занятак знаёміць з абрадам калядавання на Беларусі.
"Гуканне вясны": занятак знаёміць са старажытным каляндарна-абрадавым святам сустрэчы вясны.
"Фэсцік. Гулянне ў народным стылі": уяўляе сабой музычнае мерапрыемства ў народным стылі з гульнямі і конкурсамі. Распавядае пра беларускі кірмаш, дае ўяўленне пра музычны гурт. Фэст уключае традыцыйныя беларускія гульні, якія рыхтавалі дзяцей да працы дарослых: "Садзі лянок”, "Касцы і жнеі”. (Пры жаданні уключаюцца выступленні слухачоў – вершы, песні).
ЛЕКЦЫІ ПА БЕЛАРУСКАЙ СІМВОЛІЦЫ:
"Семантыка ў ткацтве" (з электроннай прэзентацыяй)
"Наш нацыянальны касцюм": знаёміць вучняў з беларускім адзеннем, традыцыйным беларускім касцюмам, адкрывае старонкі гісторыі народнай моды беларускага сялянства (з электроннай прэзентацыяй)
Тэлефон для даведак: (017)334-56-21 (аддзел навуковай асветы)
