Выстава створана Дзяржаўным музеям гісторыі беларускай літаратуры сумесна з Беларускім дзяржаўным архівам-музеям літаратуры і мастацтва. На ёй прадстаўлены хатнія рэчы сям’і Багдановічаў з БДАМЛіМ, якія экспануюцца ўпершыню, а таксама партрэты М.Багдановіча, прыжыццёвае выданне паэтычнага зборніка "Вянок" і выданні твораў паэта розных гадоў з фондаў музея.

У мерапрыемстве прынялі ўдзел дырэктар Беларускага дзяржаўнага архіва-музея літаратуры і мастацтва Ганна Запартыка, паэт Сяргей Панізнік, мастак Сяргей Давідовіч, літаратуразнаўца Ірына Багдановіч. Песні на словы Максіма Багдановіча прагучалі ў выкананні барда Аляксея Галіча і спявачкі Наталлі Клімковіч.